BUKHAR KE ILAJ KE DESI NUSKHE

Shareer ka tapman samanya se adhik badh jane ko hum bukhar kehte hai. Yeh ek bimari nahi hai balki kisi bimari ke hone ka sanket hota hai. Har insane ko kabhi na kabhi apne jeevankal me bukhar se guzarna padta hai. Iske lie jyadatar log allopathic doctor ke pas bhagte hai. Halanki us davai se jaldi araam a jata hai kintu iske atyadhik side effects hote hai. Meri mane to bukhar ke lie sabse pehle hame desi ilaj krna chaiye, jyada jrurat padne par hi doctor ki salah leni chaiye.

Agar ap bhi is duvidha se grast hai ki bukhar ka ilaj kya hai to chinta ki koi bat nahi hai. Aj mai apko bukhar ke saral desi ilaj se mulakat karati hu.

BUKHAR KYA HAI

Manushya  ke sharer ka samanya tapman 98.4 degree Fahrenheit hota hai. Jab sharer ka tapman is samanya tapman se badh jata hai to us sthiti ko bukhar kehte hai. Yeh koi rog nahi hai , yeh kewal rog ka ek symptom hai. Bukhar hume shareer me hone vale kisi infection ki or sanket krta hai. Bukhar ka jyada badh jana gambheerta ki or sanket krta hai. Is sthiti me hume kuch desi ilaj krne chaiye.

BUKHAR KE KARAN

Dengue, Malaria, Typhoid, Sardi, Khansi, Tonsil, T.B., Stone hona, yeh sab bukhar an eke kuch lakshan hai jinka hume waqt rehte ilaj krna bahaut jruri hota hai. Iske liye hum kuch desi ilaj bhi apna sakte hai. Atyadhik jarurat padne par hi doctor ke pas jaye.  

TEJ BUKHAR ANE PAR KYA KARE

Jab sharer ka tapman 102 degree Fahrenheit se upar jane lage to ise tej bukhar kehte hai. Tej bukhar ane par ye kam kre:

  1. Tej bukhar ane par mathe par thande pani ki pattiyan rakhe, isse bukhar teji se kam ho jata hai.
  2. Thande pani se nehlane se bhi tej bukhar kam ho jata hai.
  3. Shareer ke upar ice pack bhi rakh sakte hai
  4. Ayurveda me aisa mana jata hai ki chandan apke sharer ko thandak pahauchata hai. Iska lape lgane se bukhar teji se utar jata hai
  5. Nariyal pani ka sewan krne se bhi apke sharer ka tapman teji se kam hota jata hai. 
  6. Anar ke juice me thoda sa badam ka tel dal kar pine se bhi tapman niche utar jata hai. Ise kisi bhi umra ke log pee skte hai. Isse sharer ko bimariyo se ladne ki takat bhi milti hai.
  7. Bina kisi doctor ko dikhaye patient ko koi bhi davayi na de. Isse gambheer samasya bhi ho sakti hai.
  8. Haldi or saunth ka kadha bnaye or ise din me kam se kam do bar piye. Haldi me atyadhik matra me antioxidant paye jate hai jo bukhar ko kam krne me madad krte hai.
  9. Tulsi ke patte khane se shareer me maujud virus khatam ho jate hai. Ek chammach laung ke churn aur 10 se 15 tulsi ke taje patto ko ek litre pani me tab tak ubale jb tak ye adha na ho jaye. Fir ise chan le aur thanda krke har ek ghante me pine se aram mehsus hoga.

“Swastha Rahe, Sukhi Rahe

Apka Shareer Hi Apka Jeevan Sathi Hai”

Leave a Reply

Your email address will not be published. Required fields are marked *